الحضور الوجوبي والجوازي للمتهم : حالات حضور موكلك بنفسه أمام المحكمة

الحضور الوجوبي والجوازي للمتهم ، الموضوع دا مهم جدا لأن عدم معرفتك بيه بيترتب عليها إنك ممكن تلاقي نفسك في جلسة (الحضور فيها وجوبي).

وأنت مش معاك المتهم والقاضي يحرجك ويرفض سماع مرافعتك ويحكم غيابي على موكلك.

1. الحضور الوجوبي والجوازي للمتهم أمام محكمة الجنح

ببساطة الجنح اللي مفيهاش كفالة والحكم فيها بيكون واجب النفاذ بمجرد صدوره ،دي لازم المتهم يحضر المحاكمة بنفسه ولا يجوز الحضور عنه بتوكيل.

طيب إيه هي الجنح دي اللي مفيهاش كفالة والحكم فيها بيكون واجب النفاذ.
الجنح دي هي : السرقة – الآداب – التسول – حيازة سلاح.

يعني في أي جنحة منهم لازم حضرتك تخلي المتهم يحضر بنفسه في المحكمة.

إنما أي جنحة غير الجنح دي مش لازم المتهم يحضر بنفسه إنما يجوز إنك تحضر عنه بتوكيل زي جنح النصب ،الشيكات.

2. الحضور الوجوبي والجوازي للمتهم أمام محكمة جنح مستأنف

مبدئياً كدا إذا كانت الجنحة أقيمت أمام محكمة الجنح، وده لأن الجنح الغير مباشرة الصادر فيها حكم بالحبس.

لما تيجي محكمة جنح مستأنف تحكم فيها بيكون حكمها واجب النفاذ بمجرد صدوره.
طيب إذا كانت الجنحة أقيمت أمام محكمة الجنح.

هنا بقي تفرق بين نقطتين

أ. الجنحة مباشرة

في الحالة دي مش لازم المتهم يحضر قدام جنح مستأنف حتى إذا كان حكم أول درجة بالحبس،

وحتى إذا كانت الجنحة من الجنح اللي الحضور فيها وجوبي قدام محكمة الجنح ،

مش لازم يحضر المتهم ويجوز إنك تحضر عنه بتوكيل والكلام ده ينطبق على كل الجنح مهما كان نوعها.

ده إذا كنت حضرتك وكيل المجني عليه، الأفضل ليك لما تيجي تعمل جنحة تعملها غير مباشرة علشان في الحالة دي حضور المتهم وجوبي قدام محكمة جنح مستأنف.

وده بيمثل ضغط عليه خصوصاً في الجنح اللي بيجوز فيها الصلح (مش هقولك ليه استنتج بنفسك).

وإذا كنت وكيل المتهم، هل يجوز حضورك بتوكيل عن موكلك ولا لازم هو يحضر بنفسه في المحكمة؟

خلي بالك من الجزئية الجاية دي.. مهمة

الإجابة: في حالة صدور حكم أول درجة بالبراءة في جنحة الحضور فيها وجوبي،ثم أستأنفت النيابة الحكم بيكون حضور المتهم وجوبي أمام جنح مستأنف.

2. الجنحة غير مباشرة

يعني محضر في القسم أو في النيابة وصدر فيها حكم بالحبس ،
في الحالة دي لازم المتهم يحضر بنفسه قدام محكمة جنح مستأنف.

والكلام ده ينطبق على كل الجنح مهما كان نوعها.

مواضيع قد تهمك

شارك المقال